منتدي إينو كريزي
أحلي منتدي بقي احلي بزيارتك الكريمة .....
{- نرحب بك كزائر عزيزي معنا و كاعضو مميز لدينا -}
Welcome to our family
Eno Crazy Family Forum welcomes your dear visitor in our forum
_____________ ____________________
│║▌║█║▌║▌││║▌║█║▌│║▌║█║▌║▌││║▌║
--------------------------------------------------------
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
»»»╔══════════════════════════╗«««
♥️♥️ ★ BIG B0SS {==> Eno -- >A7san Nas★ ♥️♥️
»»»╚══════════════════════════╝«««
●•●••●.ılı.lı.ılı.lı.ılı.lıılı.lı.ılı.♥️♥️♥️♥️.lı.ılı.lıl.lılıı.ılı.lı.ılı.●•●••●
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄


منتدي إينو كريزي تعارف و صدقات,برامج,ألعاب,أغاني,صور,مأكولات,أخبار,نقاشات,عالم الحيوان,بيع و شراء,موضة,ديكورات
 
الرئيسيةEno Se7enمكتبة الصوربحـثالتسجيلدخول

شاطر | 
 

 عايز اى بنت تعجب بيك طب مستنى اه ادخل هنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Hazem
Prince
Prince
avatar

الجنس : ذكر
عدد مساهماتي عدد مساهماتي : 2087
نقاط نقاط : 7488
الموقع : مش عارف!
مزاجك اليوم : هاكر
هوايتك هوايتك : ...........................

مُساهمةموضوع: عايز اى بنت تعجب بيك طب مستنى اه ادخل هنا   الأربعاء يوليو 21, 2010 1:32 pm

ملحوظه يا جماعه-انا كاتب الموضوع دا بنفسى ولو قرأته هتلاحظ انا كاتب حاجات عن نفسى
يا صاحبى عشان تكون محبوب من البنات او عايز اى بنت تعجب بيك
هقولك الطرق وهى لازم تكون موجوده فيك وانا عارف انك كنت بتتعب عشان تلاقى حد يفهمك فانا هقلك جميع الطرق
بص معايا يا صاحبى وعايزك تركز فى الكلام اللى جاى وتحطه فى دماغك كويس تمام بس هاتلك كوبايه شاى الاول
انت مركز معايا اوكى بص يا صاحبى طريقه الحب عندينا احنا الولاد بتختلف يعنى مش زى تفكير البنات
وخد عندك بقى عن تجارب انت عارف اول حاجه البنت بتبصلها ايه فى الواد شكله وشك يعنى وتانى حاجه جزمتك او كوتشيك
وبعد كده بتبص على هدومك فانت يا صاحبى لو بتحب مثلا بنت الجيران او زميلتك فى المدرسه او الجامعه او فى اى حته فى الدنيا وبتطلع فى الشارع كتير
حاول تجبلك كوتشيين او جزمتين وتبدل بيهم وانا عارف ان ممكن تكون ظروفك الماديه وحشه بس حاول انك تحوش فلوس وتجبلك كوتشى او جزمه يعنى مش لازم لما يطلع عين الحاجه تجيب غيرها
الكلام مش عليك انت على الناس بتكون ظروفها حلوه جدا بس بيحبوا يجيبوا الحاجه لما تتهلك بالكامل وصدقنى يا صاحبى زى ماقولتك كده لازم تهتم بالتحت قبل ال فوق
وبالذات الكوتشى لما يكون جديد ومحدش لابسه بيعمل شغل جامد تمام ياغالى
تانى حاجه ياصاحبى هدومك و طريقه لبسك لازم تكون متميزه يعنى مش تلبس بنطلون اخضر على تيشرت ازرق وتقولى اهو متميز لا تجيب هدوم شكلها حلو متميزه عشان هما بيحبوا حاجه اسمها التمييز
يعنى تكون متميز عن غيرك يعنى برضوا تكون انت جايب حاجه محدش يكون لبسها قبل كده تمام
ثالث حاجه طريقه كلامك حاول انك تكون خفيف فى كلامك مع اصحابك مش لما تشوف البنت اللى بتحبها تروح معلى صووتك ماهى اكيد شافتك وبصت عليك ولا انت لازم تسيحلها قدام اصحابها
ومتقعدش تبصلها كتير ياصاحبى عشان اصحابك ميخدوش لبالك ويفضحوك واهم حاجه زى مانت
عارف سمعه البنت وكمان اصحابها لان البنات مش بيتبل فى بؤهم فوله يعنى لم الدور من الآخر تمام يانجم
رابع حاجه الابتسامه لازم ياصاحبى تكون وسيم مش عشان انت شوفت صاحبتك لا لازم تكون الابتسامه من جواك وتحس بالرضا وجمال الدنيا
وعلى فكره لما البنات بتحب اول حاجه كمان بيبصولها الشاب الوسيم يعنى خليك مبتسم على طووول واول ماتشوف صاحبتك ابتسم على طول بص على عينها وماتعملش حاجه غير كده لو مبتسمتش يمكن يكون ماخدتش بالها بس متفقدش امــــــــل
ولو لقيتها بصت فى الارض وضحكت انت عارف اكيد اللى حصل تمام ياغالى وعايز اقولك حاجه لما كنت فى ايام المدرسه واحد صاحبى سألنى سؤال تافه قالى انا كل ماكون باصص فى الشارع وابص قدامى ولاقى بنت بتبص
عليا القيها على طوول تمسك فى الطرحه وبتبص فى الارض وكمان لما اكون ماشى وابص لبنت الاقيها بصالى وبعدين تبص فى الارض دا يبقى اعجاب ولا ايه
روحت قايل احتمال بسيط يكون اعجاب بس هو انا من رأيى انها بتكون مكسوفه فيعنى مش تلاقى واحده بصالك وبعدين تبص فى الارض وتقولى دى معجبه بيك لا الوضع هنا بيختلف تمام يازميكى
خامس حاجه طريقتك مع الناس حلوه ولا وحشه
يعنى لازم تعامل الناس باحترام لو كبار عاملهم زى ابوك وامك ولو اصحابك عاملهم زى اخواتك وتساعدهم ومتكونش انانى يعنى من الاخر لازم تكون محبوب بين اصحابك والناس يمكن مش عشان قدام صاحبتك
لا عشان تبقى قدام الناس كلها انك محترم وصدقنى دا بيأثر جامد قدام البنت وكمان هى لما حد من اصحابها بيتكلموا عنك كويس دا بيزيد
معزتك عنديها وبتفتخر بيك وكمااان بتغير عليك موووت تمام ياصاحبى اه كمان عايز ازود حاجه هى ممكن تكون مش بعيده عن الموضوع شويه بس
بص ياصاحبى عايزك متفتخرش قدام اصحابك البسيطه لان اصحابك عنديهم احساس ودم وبيحسوا زى مانت بتحس يعنى متجرحش شعورهم عشان تتمنظر قدام بنت وكمان عشان تكون محبوب بينهم ويعتبروك واحد منيهم يعنى
مش لازم تتكبر لان صدقنى فى يوم من الايام هتحتاجهم والدنيا ياما مابتعلم تمام نرجع بقى لموضوعنا
سادس حاجه بص ياصاحبى طريقه اكلك وشربك لازم تكون كويسه يعنى كل بعقل واشرب بعقل من الايس كريم لحد لو كنت بتاكل كارتيه ههههههههههههه بيسسس
سابع حاجه ريحتك يابوب هتقولكى كمان هى فيها ريحه يعنى مش كفايه كوتشى ولبس وكمان ريحتى هقولكــ المسلم دايما نضيف
فلازم تكون ريحتك جميله وافتكر انها حاجه اساسيه فى حياتك والنظافه من الايمان هتقولى وايه جاب الريحه للكلام الى انت قولته دلوقتى هرجع اقولك انت تكره انك تكون ريحتك جميله.....؟
احنا فى النقطه الكام آه الــ 8 ـــ خلاص اهو قربنا
الفلوووس بيقولوا ان الفلوس بتعمل كل حاجه
هى صح بتعمل بس مش فى كل الاوقات بس ياصاحبى انت لازم تطلع لو كنت جلده او بمعنى اصح بحبحها شويه
مش لما تشوف بنت وصاحبك الانتيم معاك روح تعمل نفسك واد جدع تروح عازموا على علبه كانز
بعد مايكون هيبوس ايدك عشان تعزمه كل دا عشان شكلك يبقى حلو قدام اصحابك
وميخدوش عنك فكره وحشه وتكون محبوب بينهم يعنى مش تسيبها فى السايب وتقول انا فاككها اهو بس انا هقولك لا
فى الصرف ليه حدود وناجى للموضوع من ناحيه البنات انا قصدى من الفلوس هنا انك لما تقول لواحد صاحبك تعرف البنت الفلانيه ديه يقولك آه دى بتاعه فلوس وهدايا ابعد عنها
احسلك مع انك حبيتها ومتمسك بيها بس ممكن تكون معاك فلوس وترمى كلام صاحبك ورى ضهرك
وممكن تكون معاكش وتعمل زى مقال صاحبك بس انا هقولك حاجه بدل ما انت
هتوفي معاها وهتحبها بجد هى اكيد مش هتكون عايزه منك غير انك تحسسها بالامان والحنان وانك خايف عليها مش معنى كده انك متجبلهاش هديه يعنى جبلها هديه
وحسسها باللى قولتهولك وانت ياعم ادرى بحبيبتك واحساسك وبدل مانت بتحبها قدرها بحاجه واديهالها عشان لو حصل مابينكم حاجه تفتكرك بيها تمام
احنا من النقط اللى فاتت ياصاحبى اتكلمنا لو انت كنت فى مدرسه وزميلتك معاك فى المدرسه ومعجب بيها او العكس ولو فى جامعه
وزميلتك فى الجامعه ومعجب بيها او العكس ولو حبيبتك بنت الجيران برضوا وكل دا عشان تكون قارئ دماغ البنت اللى بتحبها او اللى معجب بيها
بس فيه بقى اللى طلب منى قبل كده اقوله طريقه يعاكس منها هقولك ياعم الطريقه عشان مكونش كده
نسيت حد بس ياصاحبى الطريقه ديه انا عملتها مرتين مره نجحت ومره فشلت بس قبل ماحب ولما حبيت بطلتها مع ان
صاحبتى الله يرحمها ماتت من قريب بس ان مفكرتش بعد كده اكررها ودى المره الفاشله
وانا لما كونت فى تانيه اعدادى
كنت بروح درس عند استاذ يوم اتنين وخميس و كنت باخد انا وواحد صاحبى خصوصى بس احنا مكناش نحب نخده فى البيت فكنا نروح للاستاذ
علشان كونا نحب نتمشى شويه فا فى يوم من الايام طلعنا من الدرس حوالى الساعه 8 فقولنا عايزين نشوف الجو بتاع المعاكسات
لان احنا متعودين فى المدرسه نكلم بنات بس مش نعاكس من الشارع
فاتفقنا انا هو اى بنتين حلوين نشوفهم نسألهم الساعه كام مع اننا عارفين انها الساعه 8 بس غتاته بقى
وبالصدفه شوفنا بنتين روحنا ندينا عليهم واول مره مردوش وبعدين تانى مره ردوا وقالوا نعم رحت انا قايل هى الساعه كام ..؟ راحت ردت بنت منهم وقالت الساعه 8 راح صاحبى طلع الموبايل وبص راح قال للبنت ساعتك مظبوطه راحوا ضحكوا البنتين ومشيوا وقعدوا يبصوا
علينا وكان دا يوم اتنين جينا بقى يوم الخميس عشان نعمل نفس النظام ونظبط وناخد ارقام التليفونات بس لسؤء الحظ الدرس كان ساعتين وملحقناهمش مره فاشله على الله بقى تكون فهمت الطريقه
نصيحه منى متعملهاش عشان دى فى الاول وفى الاخر زى اختك
انت بقى اكيد هتقولى لما هى زيى اختى اومال انت عمال ترغى من الصبح والكلام اللى فوق ده ايه.. ؟ هقولك دا لما تكون فى الامر الواقع يعنى لما تكون
معاك فى مدرسه بنت وشوفتها من اول مره وحبيتها مش تمشى وراها فى الشوارع وتقولى اصلى بحبها مع العلم انك كده بتخوفها فهمتنى يابوب
كده انا خلصت موضوعى بس حبيت اقولكم هنا انا من الموضوع دا مش قصدى انكم تعرفوا ايه البنات اللى بتحبه وتعمله بس لا انا قصدى كمان حاجه تانى
انكوا تتعلمو شويه حاجات بس انا مش هقولهم هما خمس حاجات تقريبا لو عرفتوهم وعملتوا بيهم
بجد هتكونوا على الاقل سعداء

_________________________________________Signature}Eno7}___________________________________________
ComingSoon
الرجوع الى أعلى الصفحة اذهب الى الأسفل
http://..........................
Hazem
Prince
Prince
avatar

الجنس : ذكر
عدد مساهماتي عدد مساهماتي : 2087
نقاط نقاط : 7488
الموقع : مش عارف!
مزاجك اليوم : هاكر
هوايتك هوايتك : ...........................

مُساهمةموضوع: رد: عايز اى بنت تعجب بيك طب مستنى اه ادخل هنا   الأربعاء يوليو 21, 2010 1:37 pm

يا ريت اعضاء المنتدى كلهم يضيفو رد على الموضوع دا علشان انا قاعد بقالى ساعه ونصف بكتب فيه

_________________________________________Signature}Eno7}___________________________________________
ComingSoon
الرجوع الى أعلى الصفحة اذهب الى الأسفل
http://..........................
جوجو
Prince
Prince
avatar

الجنس : انثى
عدد مساهماتي عدد مساهماتي : 1257
نقاط نقاط : 5482
الموقع : 3aysha w 2lsalam
مزاجك اليوم : مسطول
هوايتك هوايتك : كتابة شعرولعب الكااتية

مُساهمةموضوع: رد: عايز اى بنت تعجب بيك طب مستنى اه ادخل هنا   الأحد يوليو 25, 2010 3:06 am

ههههههههههه موضوع لظيظ خااااااااااااالص
بس انا عندي فكرة ليكو يا بناويت
احنا بعد كده هنكتب علي لبسنا
نحن خارج نطاااااااق الخدمة

_________________________________________Signature}Eno7}___________________________________________
الرجوع الى أعلى الصفحة اذهب الى الأسفل
Tifa
Crazy Member
Crazy Member
avatar

الجنس : ذكر
عدد مساهماتي عدد مساهماتي : 6500
نقاط نقاط : 18037
الموقع : tifa_kandil@yahoo.com
مزاجك اليوم : منشغل البال
هوايتك هوايتك : كرة القدم والغناء
وسام التميز


مُساهمةموضوع: رد: عايز اى بنت تعجب بيك طب مستنى اه ادخل هنا   الجمعة يوليو 30, 2010 1:44 am

هههههههههههه فكرة برده تسلم ايدك يا حزومة

_________________________________________Signature}Eno7}___________________________________________
إذا الشـــــعـــــب يوما أراد الحـــــيـــــاة فلابد أن يستجيب الـــــقـــــدر
الرجوع الى أعلى الصفحة اذهب الى الأسفل
Beso
King/Queen
King/Queen
avatar

الجنس : ذكر
عدد مساهماتي عدد مساهماتي : 4175
نقاط نقاط : 14170
الموقع : فى قلب حبيبتى
مزاجك اليوم : رايق
هوايتك هوايتك : ......................
وسام التميز


مُساهمةموضوع: رد: عايز اى بنت تعجب بيك طب مستنى اه ادخل هنا   الأحد أغسطس 01, 2010 11:24 pm

انا مقرأتش الموضوع بس اعتقد معقول ههههههههههههههه
بهزر معاك ياض

_________________________________________Signature}Eno7}___________________________________________
وحشتيـــــــنى اووووووى



الرجوع الى أعلى الصفحة اذهب الى الأسفل
http://www.الحب فى القلب زى عضة الكلب.com
 
عايز اى بنت تعجب بيك طب مستنى اه ادخل هنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي إينو كريزي :: الصــفــحـة الــرئــيــسـيـة ••●°”►[̲̅E̲̅]no7.[̅C̲̅]r@zY4U[̲̅s̅ ◄”°●•• :: قــــــلـب الأنـثي قــــطـه xD-
انتقل الى: